پښتو ژبه او ادب څانګه د ښوونكو د روزنې اكادمۍ يوه فعاله څانګه وه او كله ، چې دې اكادمي په ۱۳۶۱ كال په پيداګوژي انستيتوت ارتقاء وكړه نو بيا يې هم د يوې فعالې څانګې په توګه پاتې شوه.همدا شان دې انستيتيوت، چې بيا د پوهنتون كچې ته لوړ شو نو بيا هم دا څانګه د ژبو او ادبياتو د پوهنځي يوه فعاله څانګه وه .

پښتو ژبې او ادب څانګه دمګړۍ ۱۳ استادان لري او څه د پاسه ۳۰۰ محصلينو ته په تدريس بوخت دي. 

ددې څانګې ټول استادان ماستران دي او علمي رتبې يې له پوهنمل نه نيولي بيا تر پوهنوال پورې رسېږي.

 

+ليكل شوى لخوا د خموش په 90/10/02 او كړۍ 11:11 |

دويمه برخه:

دناصح په شعرونوکې دپښتو او پښتون د کلماتو ذکر :

           پښتانه د آریایي توکم یوه مشهوره څانګه ده، چې د ریګوید په سندروکې د (پکهت = پښت) په نامه یاد شوي دي. ټول په یوه شریکه پېوسته ځمکه کې اوسېږي. ټول په یوه ژبه (پښتو) غږیږي اود یوه دین (اسلام) تابع دي.

         دوی هوښیار، ځیرک او په آزادۍ مېن خلک دي. د پښتو په کلمه کې ددوی ټول کلتور او تهذیب پروت دی. پښتو که له یوې خوا دپښتون اولس د ژبې نوم دی، نو له بلې خوا د پت او عزت، ښېګڼې او ښه خوی، تورې، مېړانې، ننګ او غېرت وفا او حیاء نوم هم دی.


دمطلب ادامه
+ليكل شوى لخوا د خموش په 90/10/29 او كړۍ 8:45 |

سریزه:

 

د سپېڅلي او مهربان الله په تلپاتې نامه؛

الله تعالی پرما ستر احسان وکړ چې په پوره بریا سره مې د پوهنتون دغه څلورکلن ښوونیز پړاو په سرلوړۍ او بشپړ بریالتوب سره پای ته ورساوه. د لوړو زده کړو وزارت د اصولو له مخې هر زده کړیال او زده کړیاله د خپل څلورکلن ښوونیز بهیر له پای ته رسولو سره اړ دی ترڅو یو پایلیک (مونوګراف) چمتو او د څانګې د استاذانو پروړاندې ترې دفاع وکړي، ځکه چې له دې پرته زده کړیال فارغ التحصیل نه شمېرل کېږي او حتی دیپلوم هم نه ورکول کېږي.


دمطلب ادامه
+ليكل شوى لخوا د خموش په 90/10/29 او كړۍ 8:43 |
۲ـ د جمال خان( زماني) د شعرونو محتوا :

 دويمه برخه:

د ښاغلي جمال زماني د اشعارو جونګ د مضمون په لحاظ اکثریت شعرونه یې عشقي بڼه لري ، خو ځینې ټولنیز مسایل، سیاسي ، وطني او یوه مرثیه ) ویرنه  (هم تر سترګو کیږي ، مرثیه) هغه نظم چې د مړو په ویر، ماتم ، غم او ستاینه کې ویل شوی وي مرثیه یې بولي (، چې دکلام نمونه یې په لاندې ډول ده :


دمطلب ادامه
+ليكل شوى لخوا د خموش په 90/10/29 او كړۍ 8:38 |
څېړونكى:محمد ابراهعيم عظيمي

سریزه:

له نېکه مرغه مونږ په پښتو ژبه کې په سلګونو غښتلي او منلي شاعران لرو، چې د دغو شاعرانو څخه ځینې د ټولنې وتلې څیرې او ځینې په ټولنه کې معرفي څیرې نه دي، چې یو له هغو څخه زمونږ د هېواد د پښتو ژبې ځوان شاعر جمال خان زماني دی .جمال خان زماني په ډیره لږ موده کې ،دومره پښتو شعرونه )غزلې( پنځولې دي، چې انسان د تعجب احساس کوي . خو د جمال خان زماني شاعري )غزل سراي( د پښتو ژبې معاصرې دورې محاورې ته نیژدې ساده ، روانه ، فصیح او واضح ده


دمطلب ادامه
+ليكل شوى لخوا د خموش په 90/10/29 او كړۍ 8:36 |
ادبي ټوټه:

دويمه برخه:

د ادبي ټوټې اصطلاحي پېژندنه

لکه څرنګه، چې په عامه توګه ټولنیز علوم او په ځانګړې توګه د ادب ډېری ډولونه او څانګې داسې جامع او بشپړې پېژندنې او تعریفونه نه لري، چې هرچېرې او هر وخت د ټولو له خوا په یوه خوله ومنل شي. دغسې ادبي ټوټه هم ځانګړی تعریف نه لري، خو ادبپوهانو یې د پېژندنې لپاره یو لړ توضیحي، توصیفي او تشریحي څرګندونې کړې، چې ځینې یې دلته را اخلو.


دمطلب ادامه
+ليكل شوى لخوا د خموش په 90/10/29 او كړۍ 8:26 |
ليكونكې : شازيه افغان

سريزه

ادب هغه هنر دی، چې تل د بدلون او اوښتون په حال کې دی. که موږ د پښتو ادب لرغونو، کلاسيکو او بيا اوسنيو ادبياتو ته وګورو، ډېر لوى لوى تغييرات او بدلونونه به مو ترسترګوشي. کېداى شي دغه تغييرات د جولې (شکل) له مخې وي او ياهم د مفهوم او محتوا له اړخه. ادبيات هم د نورو هنرونو لکه موسيقۍ، نقاشۍ، انځورګرۍ او مجسمه جوړونې د هنر په څېرد ټولو ملتونو او قومونو ترمنځ له زيات اهميت او ارزښت څخه برخمن دي. که ووايو، چې له نورو هنرونو يې اغېز، اهميت او جامعيت زيات دى، مبالغه به نه وي. ځکه چې دا هنر د انسان له روح، طبيعت او تجسم سره سروکار لري


دمطلب ادامه
+ليكل شوى لخوا د خموش په 90/10/29 او كړۍ 8:23 |
څېړنه اولیکنه: پوهنمل نظیفه اخلاص   

مونږ دامنو چ
ې پير روښان يو سياسي ،ادبي او مذهبي مشر او د يوه ملي غورځنګ پر مخ  بيوونكی او د ادبي مكتب بنسټ ايښودونكی و. څرنګه چې هر ملي نهضت د مختلفو عواملو زيږنده ده نو كله چې مونږ په پير روښان او د ده په غورځنګ څه ويل غواړو نو د دغو پوښتنو سره مخامخ كيږو چې بايزيد په څه راز محيط او ماحول كې ژوند كاوه او هغه عوامل چې دی يې ميدان ته راوست او دده د تحريك موجب شو څه شی وه زه غواړم په دغه مقاله كې د اجتماعي ،اقتصادي او سياسي عواملو په رڼا كې د پير روښان غورځنګ په لنډ ډول وڅيړم.


دمطلب ادامه
+ليكل شوى لخوا د خموش په 90/10/27 او كړۍ 19:14 |

څېړنه : پوهنمل نفس ګل

 

        لنډيز:

        په دغې مقاله كې مې د خوشحال د انفراديت د څرنګوالي تر څنګ د خوشحال بابا له نظره ګلونه هم تر بحث لاندې نيولي دي، مانا دا چې ما اصلي موضوع په دغه ليكنه كې د خوشحال د ستر ادبي مكتب څخه د يو صنف د ښايست موضوع غوره كړې، چې هغه د خوشحال په اشعارو كې د ګلونو د استعمال اړخونه دي، لومړى مې هغه بيتونه را اخيستې دي چې نوي كال پورې اړه لري، ځكه ټولو شاعرانو د نوې كال ستاينه كې د ګلونو رول او اهميت روښانه كړي دي، نو خوشحال بابا هم دغه كاركړى، بيا مې د خوشحال بابا هغو اشعارو ته هم په كې كتنه كړې ده، چې خوشحال بابا په كې د ګلونو انواع او ډولونه تشرېح كړي دي، همدا شان مې هغه بيتونه هم را اخستي چې خوشحال بابا ګلونه د نورو څيزونو سره تشبه كړي دي.: په وروستۍ برخه كې د مقالې پايله او بيا اخځليكونه راغلي دي.


دمطلب ادامه
+ليكل شوى لخوا د خموش په 90/10/27 او كړۍ 19:11 |
محقق: پوهنيار هوسى نوري يوسفزى
 

       اوس مهال انسان او انسانيت پورې اړوندې پيښې، په ځانګړې توګه د انسان د حقوقو او آزادۍ مساله د هر زړه سواند انسان د پام وړ موضوع ده، اما دا په دې مانا نه ده چې تر دې دمه دغه مساله د پام وړ نه وه، البته چې وه، د تاريخ په اوږدو كې داسې د انساني فطرت لرونكي انسانان موندلاى شو، چې په يوه نه يو ډول يې انساني ارزښتونو ته پام شوى دى، خو ځوان قشر ته لازمه ده، چې دغه فرهنګي ذخيره او شمتني اوسنيو  ځوانانو ته د روزنې او عبرت په خاطر څرګند كړي، نو ما هم د همدغو لاملونو په اساس د پير محمد كاكړ او يونس خيبري په شعرونو كې د انساني ارزښتونو د څېړلو او د هغو د بربنډولو موضوع په خپله مقاله كې راونغړله.


دمطلب ادامه
+ليكل شوى لخوا د خموش په 90/10/27 او كړۍ 18:58 |


Powered By
BLOGFA.COM